KUWINTU QILLQAYPI LLALLINAKUY
ATUQPA CHUPAN (2020-2021) RUNASIMIPI QILLQAQKUNAPAQ QAYAKUY KAYPI QAWAYKUY KAY LLALLINAKUYQA QISPINQA QATIQ KAMACHIKUYKUNAWANMI: I. IMATAM MASKANIKU KAY LLALLINAKUYWAN? 1.1. Qayna watakunamantam runasimipi qillqaqkuna rikurimuchkanku, chaymi Atuqpa Chupan Riwistaqa chay qillqaqkunapa llamkaynin riqsichiyta munan. 1.2. Riwistanchikqa runasimipi sumaq kuwintukuna qispinantapas munanmi. Ñawpaqpiqa manam karqachu runasimipi kuwintukuna qillqay; kunanmi ichaqa kaqmanta mana kaqmantapas sumaq wallparichisqa kuwintu qillqay qispimuchkan, runasimitapas musuq ñanpi churaykuspan purichichkan. 1.3. Kay llallinakuyqa munantaqmi runasimipi llapallan qillqaqkuna, may llaqtapi tiyachkaspankupas aylluchakunankuta, imaynam ñawpaq pachapi karqa, chaynata. 1.4. Tukunapaq, maskanikutaqmi runasimipi musuq liyiqkunata. Ima simipas mana rimaqniyuqqa qullunmi, chaymi musuq rimaqkuna, qillqaqkuna liyiqkuna kallpachayqa kanman llapanchikpa hatun llamkaynin. II. PIKUNAM KAY LLAL...