Pim Kaniku

Atuqpa Chupan riwista qispichiqkunaqa 2011 watamantapacham runasimillapi qillqasqa qillqakunata paqarichiniku Peru suyumantapacha. Ñuqaykupaqqa qichwasimiqa hukllam may llaqtamanta utaq may suyumanta kaspapas, chaymi ñawpaq yupakunapiqa Perumanta, Boliviamanta, Ecuadormanta, Argentinamantapas llamkaykunata chaskirqaniku. Imapaqtaq runasimillapi qillqasqa riwista allin kanman? Siminchik kallparikunanpaq, runasimi rimaqkunapa kawsayninku mana usuchisqa kananpaq, ñawpaq tayta-mamanchikkunapa yachayninku sumaq yupaychasqa kananpaq, hinallataq kunan qichwa llamkaykuna allin riqsisqa chaninchasqapas purinanpaq. Musuq yachaykunatapas qispichinapaq.