Atuqpa Chupan

Pablo Landeo Muñoz (director de Atuqpa Chupan)                                                                                             Runasimipi musuq harawikuna riqsichiytam munani, sipaskunallapa qillqasqankuta. Paykunaqa runasimi rimaq ayllukunapa wawankum, taytamamankuhina runasimi rimaq, aylluruna kasqanku hatun kusikuywan riqsikuq, chaymi qillqanku runasimipi, kastillasimiman mana tikraspa. Sipaskunam, chayraqmi qallarichkanku harawi qillqayta ichaqa pi kasqankuta, maymanta hamusqankutapas yachachkankum. Apunkutapas machunkupa yuyaynintapas chaninchaq sipaskunam. Sasachakuy pachapi paqariqkuna, kunanqa Limapim Educación Intercultural Bilingüe nisqapi yachachiqpaq es...

Qayna watam (iskay waranqa chunka pusaqniyuqpi), huk watakunahina kutirqani Lirkay llaqtaman, anqarakunapa willakuynin aswan allin riqsiq. Lirkaymantam qispirqani Pitin-Pata anexo nisqaman, hinaspaymi samapakurqani Hanampa-De la Cruz ayllupa wasinpi. Chaypim wasiyuqniy mama Carolina De la Cruz pusawarqa Pitin-Pata warmikuna aswan ñawiyuq purinankupaq llamkayman. Chay programatam purichichkanku  Fundación Stromme wan  Tierra de niños  nisqa.    Uña warmachakunapa yachaywasinman chayaykuspayqa tarirqani achka warmikunata. Paykunam sapapunchaw llamkasqankumanta samaykuspa, uña wawachankuta qipirikuspa aysarikuspa chisinkuytaña risqaku warmikuna kallpachaq programapi ñawinku aswan allin kichariq.  Risqay tutaqa llamkarqaku Administración Pública papilninkunapi (formulario nisqanchikpi) allin qillqayta. Promotora Norma Torres Curum kastillasimipi likarqa administración papilkunata, yachakuq warmikunañataqmi umacharqaku, rimanakurqaku tapunakurqakupas ...

Febrero killa tukuypim Colectivo Germinando sutichasqa kimsa kawsay yachapayayta qawachirqaku, Asociación de artistas aficionadospa wasinpi. Qallaykurqaku tayta Juan Maldonadopa llamkayninwan:  "José María Arguedas, un río profundo", chaymanta  qatiykurqa  "Lazos que unen", Janet Gutarra Luquepa siminpi. Tukunapaqñataq Aroma de Octubre sutichasqa huñunakuy "Micaela - Mujer rebelde" llamkayta qawachirqaku, ancha riqsisqa tayta Reynaldo Arenaspa yanapayninwan.  Anchatam kusikuniku chay aranwaykuna runamasinchikpa ñakasqanta    yuyarichimuwasqanchikmanta, ñakaspapas sayarisqankumanta.    Llamkayninku wiñaypaq kachun. Olivia Reginaldo Atuqpa Chupan paqarichiq Juan Maldonado Juan Maldonado Janet Gutarra Luque Janet Gutarra Luque Aroma de octubre kawsay yachapayaqkuna Aroma de octubre kawsay yachapayaqkuna Llapan kawsay yachapayaqkuna