QAYAKUY / WAQYAKUY / CONVOCATORIA 2026

                                        

QAYAKUY ATUQPA CHUPAN ISQUN YUPA (N° 9), 2026

Imaynatam apachina yanapakuy qillqakunata?

I. Qillqakunamanta:

• Kay riwistapaq qillqakunataqa runasimillapim apachina, manapuni paqarichisqataraq.
• Chay qillqakunapiqa rimana runakunapa imaymana yachayninmanta (Literatura nisqanchikmanta, iñiyniymanta, pachamamata apukunatapas muchasqanmanta, runamasinwan imayna haykayna kawsasqanmanta, ima).
• Llamkaykunataqa kaynatam apachina Microsoft Wordpi, A4, interlineado doble, Arial 12 hustifikasqatapas.
• Qillqaqkunaqa apachinankutaq pi kasqanku riqsichikuq qillqata (suqta utaq pusaq  siqikamalla). 

II. Yanapakuy qillqakunamanta

2.1. Atuqpa yachaynin: hamutaykuna, maskapaykuna

Kay qillqakunapiqa rimana andes runakuna imayna kawsasqankumanta, willakuyninkumanta iñiyninkumanta utaq ima sasachakuykunapi tarikusqanmantapas.

 Kaynatapuni:

• Pichqamanta chunka iskayniyuq pahinapim qillqana
• APA nisqanchikpi
• Pisi rimay (suqtamanta isqun siqikama, hinaspa kastillasimimanpas tikrasqata).
• Aysaqnin rimaykuna, tawa utaq pichqa simillapi (kastillasimimanpas tikrasqata).
• Qillqakunamanta yachapakuy (Librukuna, qillqamaytukuna tapukusqay, likasqay). 

2.2. Atuqpa yuyaynin (wintukuna, willakuykuna, llaqtanchik runakunapa siminpi puriq)

• Kaypiqa ayllunchikkunapa mana uqarisqaraq (mana pallasqaraq) willakuyninkuta apachimuna (iskaymanta kimsa pahinakama).
• Churanam willakuqpa sutinta, maypi haykap uqarisqa kasqantapas
• Apachimunataq iskay kimsa siqillapi willakuq pi kasqanta, atispaqa futuntapas, allin urqusqata.

2.3. Atuqpa sunqu rurun (harawi)

• Harawikuna. Apachimuna umanchikmanta paqarichimuspa mana riqsisqaraq harawikunata, suqta harawikunakama. Sapa harawiqa kanqa  kimsa chunka versukamalla.

2.4. Atuqpa musuq willakuynin (musuq kwintukuna)

• Kwintukuna. Umanchikmanta paqarichimuspa mana riqsisqaraq kwintukunata apachimuna huk, iskaymanta pichqa pahinakama.

2.5. Atuqpa simin: chayraq paqarimuq librukunamanta (Reseña nisqa)

• Kaypiqa chayraq paqariq liwrukunamanta rimana (2023 watamanta kunankama lluqsimuqkunamanta).
• Qillqana iskay pahinakamalla.
• Kay qillqa apachinapaqa churanapunim:

Qillqaqpa sutinta (autor)

       Libru haykap, maypi, paqarisqanta, hayka rapiyuq kasqantapas.

      Ima editorialpi paqarimusqanta, paqari paqaric, pipa tikrasqanta kasqantapas (sichus chayna kaptinqa).

     Apachinataq librupa uyanta (foto de la portada).

III. Apachina

• Llapan yanapakuy qillqakunataqa apachimuna  atuqkuna2021@gmail.com
• kurriwman.
• Chaskisqa qillqakunataqa Atuqpa Chupan qispichiqkunam akllaykuspanku paqarichimunqaku.
• Apachina: 2025 watapa agustu killan tukuykama. 
• Yanapakuykunamanta ima tapukuykunatapaqpas qillqana riwistapa kurriwman: atuqkuna2021@gmail.com

                               Aymuray killapa 26niyuq punchawninpi, 2025yuq watapi