Tuyascha, Chiwanway

Purun tuyascha,
qanwan ñuqas kachkanchik
manay llaqtayuq.
Chisimantaraq
allpapi puñunayuq,
llaki maytuyuq.
Ñawpaqmantaraq
kanchay qaqa kachkanchik,
chiri sunquyuq.
Puyu chakrapi
rumillata tarpuspa,
wiqi ñawintin.
¡Way! Musquchkanchik
wayrapa puñunampi,
mana musyaylla.
Purun tuyascha,
qanwan ñuqas kachkanchik
manay aylluyuq.

Purun Chiwanway,
manañam imatapas suyaniñachu
aswanqa suyachkaykiraqmi
chiri makillayta pituykachaspay.

Purun Chiwanway,
manañam imatapas hamutaniñachu,
aswanqa hamutachkaykiraqmi
chusyaq yuyayniyta taspirispay.

Purun Chiwanway,
manañam imatapas “manam” niniñachu,
aswanqa kikillaytam “manam” nikuni
rawraq sunquyta ñakarispay.

Purun Chiwanway,
hukpiñataqmi takyachiyki,
kuti-kutimanta chiqapta takyachiyki
mayu rumipi warmahina iñiykuspay.

Purun Chiwanway,
chaypim kachkan
qulluq musquyniykuna
muspaywan intusqa.